If him run yu down wid a rum bokkle
'Round East Queen Street
An' you & him a strangers
Who neva before did meet,
Him mad.
If him seh, "Me a big-time rappa!
Nuff dollars me coulda drop!"
But when yu tell him, "Rap a verse!"
Him seh, "Wrap verse? Me wrap fish inna Star at Chiney shop."
Him mad.
If lightnin' flash, an' him jump inna de air
Wid Kodak smile: "Jah-Jah tek mi pitcha!"
But de smile is all him a wear
Naked as truth, but like truth him noh care.
Him mad.
'Round East Queen Street
An' you & him a strangers
Who neva before did meet,
Him mad.
If him seh, "Me a big-time rappa!
Nuff dollars me coulda drop!"
But when yu tell him, "Rap a verse!"
Him seh, "Wrap verse? Me wrap fish inna Star at Chiney shop."
Him mad.
If lightnin' flash, an' him jump inna de air
Wid Kodak smile: "Jah-Jah tek mi pitcha!"
But de smile is all him a wear
Naked as truth, but like truth him noh care.
Him mad.
Don't say, "Is crack him crack --
him neva breastfed when him did likkle,
Him only get strap an' chicken-back."
'Cause mad doan simple; mad tek much more than dat.
Maybe, him mad.
1 comment:
Preach it. I often wonder what causeness madness since they say it's a thin line between sanity and insanity
Post a Comment